News Portal

  • निर्माणाधीन पोखरीमा डुबेर किशोरको मृत्यु

    २३६ पटक

    झापा । मेचीनगर नगरपालिका-९ मा निर्माणाधीन पोखरीमा डुबेर १५ वर्षिय एक किशोरको मृत्यु भएको छ ।

    मृत्यु हुनेमा प्रनिल प्रसाई रहेका छन् । मागुरमाडी सामुदायिक वन उपभोक्ता समूह बिट नंं १ ले पर्यटन प्रवद्र्धनका लागि बनाउँदै गरेको पोखरीमा पौडी खेल्ने क्रममा उनको शनिबार दिउँसो मृत्यु प्रहरीले जनाएको छ ।

    ६ जना साथीसँग पौडी खेल्न पोखरीमा पसेका प्रसाईबाहिर ननिस्किएपछि साथीहरुले घरमा आएर आफ्ना अभिभावकलाई घटनाबारे जानकारी दिएका थिए । खबर पाएलगत्तै घटनास्थल पुगेको प्रहरी टोलीले शवलाई पोखरीबाट बाहिर निकालेको थियो ।

    समितिका अध्यक्ष मुकेश सुब्बाका अनुसार सामुदायिक वन क्षेत्रमा सीमसार विकास गर्न २ पोखरी निर्माणाधीन अवस्थामा छन् ।
    निर्माणाधीन पोखरीमा वन समितिले पौडी खेल्न प्रतिबन्ध लगाएको भए पनि वन हेरालु खाना खान गएको बेला दुर्घटना भएको थियो । प्रहरीले घटनाको थप अनुसन्धान गरीरहेको छ ।

    प्रतिकृया दिनुहोस्