News Portal

  • श्रीमानले गरे आफ्नै श्रीमतीको हत्या

    १९४ पटक

    सर्लाही । बरहथवा नगरपालिकामा खुकुरी प्रहार गरी श्रीमानले आफ्नै श्रीमतीको हत्या गरेका छन् ।

    बरहथवा नगरपालिकामा बस्दै आएका उदयपुरको सुरुंङ्गा नगरापालिकाका ३० वर्षिय रामजी विश्वकर्माले ३३ वर्षिय श्रीमती सुनिता विश्वकर्माको खुकुरी प्रहार गरी हत्या गरेको प्रहरीले जनाएको छ ।

    हत्या गरी भाग्दै गरेका उनलाई प्रहरीले बिहिबार रातीनै पक्राउ गरेको छ । सुनिताको घटना स्थलमै ज्यान गएको थियो ।

    मृतक सुनिता बरहथवास्थित चक्र जनता बहुमुखी क्याम्पस बरहथवामा शिक्षिकाको रुपमा कार्यरत रहेकी थिईन् । रामजी अम्मर सुनचाँदी पसलमा कालीगढको काम गर्ने गरेका थिए ।

    उनीसँग दोस्रो विवाह गरेकी सुनिताकोे पहिलो श्रीमानतर्फ १५ वर्षकी छोरी छिन् । आफू सुतिरहेका बेला श्रीमतीले खुकुरी प्रहार गर्न खोजेपछि सोही खुकुरी खोसेर आक्रमण गर्दा श्रीमतीको ज्यान गएको रामजीले बताएको प्रहरीले बताएको छ ।

    घटनाकोबारेमा थप अनुसन्धान भइरहेको सर्लाही प्रहरीका प्रमुख एसपी गोपाल चन्द्र भट्टराईले जानकारी दिए ।

    शव पोष्टमार्टमका लागि जिल्ला अस्पताल मलङ्गवा पठाइएको बरहथवाका प्रहरी निरीक्षक आमोद खेरवारले जानकारी दिए ।

    प्रतिकृया दिनुहोस्