News Portal

  • राजपाद्वारा लगातार तेस्रो दिन संसद अवरुद्ध, प्रतिवेदन सार्वजनिक नभएसम्म बैठक चल्न नदिने

    २११ पटक

    काठमाडौं । राष्ट्रिय जनता पार्टी नेपालले आज (सोमबार) पनि संसद बैठक अवरुद्ध गरेको छ ।

    टीकापुर लगायत तराई मधेसमा भएका आन्दोलनको छानिबन गर्न सरकारले गठन गरेको सर्वोच्च अदालतका पूर्व न्यायाधीश गिरिशचन्द्र लाल नेतृत्वको आयोगको प्रतिवेदन सार्वजनिक गर्न माग गर्दै बैठक अवरुद्ध गरेको हो ।

    राजपा अध्यक्ष मण्डलका सदस्य अनिलकुमार झाले सरकारले सभामुखको रुलिङसमेत नमानेको बताए ।
    तेस्रो पटकसम्म संसद अवरुद्ध गर्दा पनि सरकारले प्रतिवेदन सार्वजनिक गर्न चासो नदेखाएको भन्दै उक्त प्रतिवेदन सार्वजनिक नभएसम्म बैठक चल्न नदिने झाले बताए ।

    उनले उक्त प्रतिवेदन सार्वजनिक भएमा मधेस आन्दोलन र थरुहट आन्दोलनमा कसले कति गल्ती गरे, कसले कति ज्यादती गरे भन्ने विषय सार्वजनिक हुने बताए । सरकारले प्रतिवेदन लुकाएर सत्य लुकाउन खोजेको उनले आरोप लगाए ।

    यो सँगै राजपाले लाल आयोगको प्रतिवेदन सार्वजनिक गर्न माग गर्दै संसद लगातार अवरुद्ध गरेको तेस्रो पटक हो । राजपा नेपालका सांसदहरु सिटबाट उठिरहेपछि सभामुख कृष्णबहादुर महराले १० मिनेटका लागि बैठक स्थगित गरेका छन् ।

    प्रतिकृया दिनुहोस्