सप्तरी । आज बिहान अग्निसाइर कृष्णसवरण गाउँपालिमा ट्रक दुर्घटनामा २ जनाको मृत्यु भएको छ ।

मृत्यु हुनेहरूमा ट्रकमा सवार बारा निजगढ नगरपालिका-८ का २५ वर्षिय भरत तामाङ र उदयपुरका २१ वर्षिय अशोक लामा रहेको प्रहरीले जनाएको छ ।

उनीहरुको घट्नास्थलमै मृत्यु भएको र ट्रक चालक बारा जिल्ला निजगढ नगरपालिका-८ का २१ वर्षिय सौरभ लामा घाइते भएकाले उनको ठेलियास्थित धर्मेश्वर अस्पतालमा उपचार भइरहेको छ ।

पश्चिमबाट पूर्वतर्फ जाँदै गरेको ना ५ ख १६५१ नं.को मैदा पिठो बोकेको ट्रक अनियन्त्रित भई रुखमा ठोकिएको बताइएको छ ।