अनलाइन डबली
काठमाडौं । भोटेकोशी नदीमा आएको भिषण बाढीमा परेकामध्ये १ हजार ३४४ को शव फेला परेकाे छ । नेपाल प्रहरीले अझैं ४ हजार ८ सय ९८ जना अझै बेपत्ता रहेको जानकारी दिएको छ ।
फेला परेका १,३४४ शवहरूमध्ये ४८९ पुरुष, २६९ महिला, ५२ बालक र ३३ बालिका रहेको प्रहरीले जनाएको छ । अन्य ५०१ वटा शवका आंशिक अङ्गहरू फेला परेको प्रहरीले सार्वजनिक गरेको तथ्यांकमा उल्लेख छ ।
सम्पर्कविहीन हुनेमा ४,८९८ जनामध्ये २,९३० जना नेपाली र ६१८ जना विदेशी नागरिक रहेका छन्। नेपाली बेपत्ताहरूमा २,४४८ पुरुष र ४८२ महिला रहेका छन्। १,३५० जना बेपत्ता भएको जानकारी फोनमार्फत प्राप्त भएको प्रहरीले जनाएको छ।
बाढी प्रभावित क्षेत्रबाट हालसम्म ८,६३१ जनाको जीवितै उद्धार गरिएको छ। उद्धार गरिएकाहरूमा ७,३८७ नेपाली र १,२४४ विदेशी नागरिक रहेका छन्। विस्थापित भएका ३,६५५ जनालाई हाल विभिन्न होल्डिङ सेन्टरहरूमा राखिएको छ।
खोज तथा उद्धार कार्यका लागि ७,२१२ जना प्रहरी जनशक्ति परिचालन गरिएको छ। उद्धारकै क्रममा ६५ जना प्रहरी कर्मचारीहरू बाढीबाट प्रभावित भएका छन् भने २५ जना प्रहरी अझै सम्पर्कविहीन रहेका छन्।
