दैलेखमा एक युवक आफ्नै डेराको कोठामा मृत अवस्थामा फेला परेका छन् ।

जिल्ला प्रहरी कार्यालय दैलेखका अनुसार नारायण नगरपालिका–६ स्थित डेराको कोठामा बस्दै आएका बाँकेको बैजनाथ गाउँपालिका–७ घर भएका अन्दाजी १८ वर्षीय युवक शनिबार राति मृत अवस्थामा फेला परेका हुन् ।

प्रहरीका अनुसार शनिबार साँझ खाना खाएर सुतेका युवक आइतबार बिहान करिब ८ः५० बजेसम्म नउठेपछि घरबेटीले उठाउन खोजेका थिए । बोलाउँदा पनि नउठेपछि अचेत अवस्थामा रहेको भन्दै घरबेटीले प्रहरीलाई खबर गरेका थिए ।

सूचना पाएलगत्तै प्रहरी घटनास्थल पुगेको थियो । घटनास्थलमा पुगेको प्रहरीले युवकलाई मृत अवस्थामा फेला पारेको प्रहरी कार्यालय दैलेखका प्रहरी निरीक्षक ऋषिकेश गौतम जानकारी दिनुभयो । शव पोस्टमार्टमका लागि जिल्ला अस्पताल दैलेखमा पठाइने प्रहरी निरीक्षक ऋषिकेश गौतम हरिजनको भनाइ छ ।