अनलाइन डबली
सुर्खेत । मुगुका हरिकृष्ण शाहीको हत्या आरोपमा पक्राउ परेका ६ जना पुर्पक्षाको लागि जेल चलान भएका छन् । प्रहरीले फरार अभियुक्तलाई १५ बर्षपछि पक्राउ गरेको थियो ।
जिल्ला अदालत मुगुले पक्राउ परेकामध्ये जसु बोहोरा, पारसमणी मल्ल, चन्द्रबहादुर शाही, कालिबहादुर खड्का र प्रहरीले रारा अ, रारा आ गरी ६ जनालाई पुर्पक्षाको जेल चलान गर्न आदेश दिएको थियो । उक्त घटनाकी आरोपी सरिता भनिने संगिता खड्कालाई भने ५० हजार धरौटीमा रिहा भएकी छन् ।
छायाँनाथ रारा नगरपालिका–२ का हरिकृष्ण शाहीको २०६७ साल असार ४ गते सदरमुकामस्थित जिल्ला सरकारी वकिललको कार्यालयको उत्तरतर्फ रहेका एक होटलमा शाहीको सामुहिकरुपमा धारिलो हतियार प्रयोग गरेर हत्या गरिएको थियो । हरिकृष्णको शव असार ८ गते विभत्सरुपमा भेटिएको थियो ।
शाहीको आमाले जाहेर दिएपनि १५ बर्षसम्म खुलामखुला हिडिरहेका थिए । नेपाल प्रहरीका अनुसन्धान अधिकारी इन्स्पेक्टर नविन कुमार शाहीसहितको टोलीको अथक प्रयासपछि शाहीका हत्या आरोपी पक्राउ परेका थिए ।
अदालतले पुर्पक्षाको लागि जेल चलाउन भएपछि पीडित परिवारले आशा गरेको बताएका छन् । तर, पीडकहरुबाट फेरि पनि धम्की आइरहेको बताइएको छ ।
