अनलाइन डबली
काठमाडौँ । अमेरिकी राष्ट्रपति डोनाल्ड ट्रम्प इरान युद्धबाट सुरक्षित पछि हट्न चाइरहेका छन् । एकतर्फी पाँच दिनको लागि युद्धविराम गरेका ट्रम्पले अब ३० दिनको लागि लम्ब्याउन चाहेको अन्तर्राष्ट्रिय संचारमाध्यमहरुले जनाएका छन् ।
ट्रम्पले आफ्नो कार्यालयमा संचारकर्मीसँग कुरा गर्दै इरानसँग राम्रो वार्ता भइरहेको बताउँदै युद्ध आफूले जितेको दाबी गरे । इरानले आणविक हतियार नराख्ने सहमति जनाएको ट्रम्पले दाबी गरेका छन् ।
पकिस्तानमार्फत इरानलाई वार्ताको एजेण्डा पठाएको अन्तर्राष्ट्रिय संचारमाध्यमहरुले बताएका छन् । ट्रम्पले वार्ताको लागि १५ बुँदा पठाएको दाबी गरिएको छ । दाबीअनुसार आणविक हतियार नबनाउनेलगायतका विषय भएको बताइएको छ ।
उता, इरानले वार्ताबारे अहिलेसम्म औपचारिकरुपमा कुनै प्रतिक्रिया दिएको छैन । ट्रम्पले इरानसँग वार्ता भइरहेको भन्दै पाँच दिनको लागि युद्धविराम गरेको दाबीलाई झुट प्रचार भन्दै इरानी अधिकारीले खण्डन गरेका थिए ।
इरानी मिडियाहरुले ट्रम्पको दाबीलाई झुट प्रचार भन्दै निरन्तर जवाफी हमला भइरहेको बताएका छन् । गएराति पनि इरानले इजरायलका चारवटै मुख्य शहरका मिसाइल हमला गरेको छ । राजधानी तेलअभिभसहित हाईफा, जेरुसलम, डिमोनामा भारी मिसाइल प्रहार गरेको युद्ध क्षेत्रमा रहेका पत्रकारहरुले भिडियो र फोटोसहित पत्यक्ष रिपोर्टिङ गरिरहेका छन् ।
इरानले उन्नत मिसाइल प्रहार गरेको र इजरायलका प्रतिरक्षा प्रणाली पूर्णरुपमा फेल भएको अन्तर्राष्ट्रिय संचारमाध्यमहरुले बताएका छन् ।
