अनलाइन डबली
काठमाडौं । राप्ती राजमार्ग अन्तर्गत सल्यानको कपुरकोट गाउँपालिका–३ चोरखोलामा भएको गाडी दुर्घटनामापरी तीन जनाको मृत्यु भएको छ ।
मृत्यु हुनेमा रुकुम पश्चिमको बाफीकोट गाउँपालिका ५ बस्ने अन्दाजी २५ वर्षीय प्रकाश केसी, सोही ठाउँकै अन्दाजी ६८ वर्षीया पबी केसी र अन्दाजी २७ वर्षीय शशीधर केसी छन् ।
रुकुम पश्चिमको बाफिकोट गाउँपालिकाबाट दाङको घोराही आउँदै गरेको लु २ ख ६५०२ नम्बरको फोर्स गाडि आज बिहान करिब चार बजे सडकबाट करिब चार सय मिटर तल खसेको थियो ।
दुर्घटनामा बाफीकोट गाउँपालिका ५ कै अन्दाजी ४७ वर्षीय खगेन्द्र केसी र ३६ वर्षीया बिना केसी घाइते छन् । गाडीमा ३ पुरुष २ महिला गरी जम्मा ५ जना सवार थिए ।
यसैबीच नेकपा माओवादी केन्द्रका उपमहासचिव जनार्दन शर्मा प्रभाकरले दुर्घटनाप्रति गहिरो दुःख व्यक्त गरेका छन् ।
प्रभाकरले सामाजिक संजालमार्फत दुर्घटनामा परी ज्यान गुमाउनेप्रति श्रद्धाञ्जली र परिवारमा समवेदना व्यक्त गर्दै घाइतेको शिघ्र स्वास्थ्यलाभको कामना गरेका छन् ।
