अनलाइन डबली
काठमाडौं । आजबाट कक्षा १२ को मौका परीक्षाको आजदेखि सुरु भएको छ । विहान ११ बजेबाट सुरु हुने परीक्षा आज र भोलि गरी दुई दिनसम्म चल्ने राष्ट्रिय परीक्षा बोर्डले जनाएको छ ।
यसअघि भदौ २८ र २९ गतेका लागि तय गरिएको थियो तर जेनजी आन्दोलनका कारण परीक्षा स्थगित गरिएको थियो ।
पहिलो दिन आज अनिवार्य अंग्रेजी एक विषयमा मात्र परीक्षा दिने परीक्षार्थीका सबै विषय, दुई विषयमा परीक्षा दिने परीक्षार्थीका लागि आफूले परीक्षा दिने विषयहरुमध्येको सानो कोड भएको विषयको परीक्षा हुने छ । तर, अनिवार्य अंग्रेजी र नेपाली दुवै विषयको परीक्षा दिने परीक्षार्थीले पहिले दिन अंग्रेजी र दोस्रो दिन नेपालीको परीक्षा दिनु पर्नेछ ।
यस्तै बुधबार दुवै विषयमा परीक्षा दने परीक्षार्थीका लागि आफूले परीक्षा दिने विषयहरुमध्येको ठूलो कोड भएको विषयको परीक्षा हुनेछ । यो दिन अनिवार्य अंग्रेजीको परीक्षा भने हुनेछैन । अंग्रेजीको परीक्षा पहिलो दिन अर्थात ७ गते नै तोकिएको छ ।
