अनलाइन डबली
काठमाडौँ । नेकपा एमालेको विधान महाधिवेशनको आज दोस्रो दिन शुक्रबार सुरु भएको दोस्रो विधान महाधिवेशन गोदवारीमा जारी रहेको छ । महाधिवेशनमा पूर्वराष्ट्रपति विद्यादेवी भण्डारी पक्षको फरक मत पेन गर्न दिइएको छैन ।
भण्डारीको पक्षबाट स्थायी कमिटी सदस्य कर्ण थापाको फरक मत पेस गर्ने तयारी गरेका थिए । सचिवालय बैठकले फरक मत महाधिवेशन हलमा राख्न दिने बताएको थियो ।
पार्टी अध्यक्ष केपी शर्माले नै फरक मत राख्न कर्ण थापालाई समय नदिएको एक नेताले बताए । उनका अनुसार कार्यसूचीमा फरक मत पेश हुन नदिएपछि भण्डारी पक्षले समूहमा मत बाँडेको छ ।
हिजो पहिलो दिन अध्यक्ष, उपाध्यक्ष र महासचिवको प्रस्ताव पेस गरेका थिए । आज विभिन्न आयोगका प्रतिवेदन पेश गर्ने कार्यतालिका रहेपनि भण्डारी पक्षको फरक मत पेस हुन नदिएको थापाले गुनासो गरेका छन् ।
अध्यक्ष ओलीले फरक मत पेस गर्न समय नदिएपछि भण्डारी पक्ष आक्रोसित बनेको छ । सो पक्षले ओली अलोकतान्त्रिक र निरंकुश बनेको आरोप लगाएको छ ।
महाधिवेशनमा अन्य प्रतिवेदन पेस भएपछि समहुगत छलफल सुरु भएको छ । कार्यसूचीमा राखेर फरक मत राख्न नपाएका थापाले समूहमा भने आफ्नो प्रतिवेदन बाडेका छन् ।
भण्डारी पक्षको फरक मत सचिवालय बैठकले अघि बढाइएको थियो । भण्डारी पक्षबाट थापाले ३२ पेज लामो फरक दस्ताबेज तयार गरेका थिए ।
