प्रतिनिधिसभाका सभामुख देवराज घिमिरेले मातृभाषाकाे पत्रकारिताले समग्र नेपाल विकास गर्नेमा टेवा पुग्ने बताउनुभयाे । नेवाः पत्रकार राष्ट्रिय दबूले जेठमा सम्पन्न गरेकाे दाेस्राे अन्तर्राष्ट्रिय मातृभाषा पत्रकारिता सम्मेलनकाे प्रतिवेदन हस्तान्तरण गरेकाे कार्यक्रममा उहाँले मातृभाषा पत्रकारिताकाे अावश्यकता विषयमा चर्चा गर्नुभएको हाे । ‘देशीविदेशी पत्रकारहरूकाे सहभागितामा तपाईंहरूले सम्पन्न गर्नुभएको सम्मेलनकाे अाफ्नै महत्त्व र विशेषता छ । यसबाट अाएकाे निष्कर्ष मलाई पनि दिनुस् । कार्यान्वयन गर्ने क्षेत्रमा म पनि सहयाेग गराैंला ।’ सभामुख घिमिरेले बताउनुभयाे । गत जेठ ३० र ३१ गते पत्रकार राष्ट्रिय दबूले बंगलादेश, भारतका विभिन्न प्रान्त र नेपालका विभिन्न प्रदेशबाट प्रतिनिधिमूलक सहभागी हुनेगरी दाेस्राे अन्तर्राष्ट्रिय मातृभाषा पत्रकारिता सम्मेलन ११४५ सम्पन्न गरेकाे थियाे । सम्मेलनले समुदायको भित्री इकाईसम्म सुचना पुर्याउन तथा समस्याकाे यथाेचित विकास गर्ने याेजना बनाउन मातृभाषाकाे पत्रकारिताले काेसेढुङ्गा साबित गर्ने निष्कर्ष निकालेकाे छ । सिंहदरबारस्थित सभामुखकाे कार्यकक्षमा भएकाे भेटवार्तामा नेवाः पत्रकार राष्ट्रिय दबूका केन्द्रीय अध्यक्ष नृपेन्द्रलाल श्रेष्ठ, वरिष्ठ उपाध्यक्ष सुनील महर्जन, महासचिव केके मानन्धर तथा सदस्यद्वय पूर्णभक्त दुवाल र विकास माली लगायत सहभागी थियाे । नेपालका प्रथम मातृभाषी पत्रकार धर्मादित्य धर्माचार्यले पत्रकारिता सुरू गरेकाे सय वर्ष पुगेकाे उपलक्ष्यमा पत्रकार राष्ट्रिय दबूले सम्मेलन गरेकाे थियाे । समावेशी सञ्चार र मातृभाषा पत्रकारिताकाे विकास तथा पत्रकारकाे हकअधिकारकाे लागि पत्रकार राष्ट्रिय दबूले १३ वर्षदेखि निरन्तर वकालत गर्दैअाएकाे छ । देशभर २९ जिल्ला शाखा रहेकाे संस्थाले पत्रकारहरूकाे क्षमता अभिवृद्धि, सांस्कृतिक पत्रकारिताकाे लागि एजेन्डा सेटिङ गरि मिसन जर्नलिज्म गर्दैअाएकाे छ । यसअघि गतवर्ष भुटान, बंगलादेश, भारत र नेपालका पत्रकार सहभागी गराएर कार्यक्रम गरेको थियाे ।