अनलाइन डबली
काठमाडौं । भिजिट भिषाको नाममा मानव तस्करी भइरहेको काण्डमा संलग्नताको आरोप लागेपछि गृहमन्त्री रमेश लेखकलाई राजिनामा गर्न चौतफी दबाब बढ्दै गएको छ ।
विपक्षी दलका नेताहरुले मानव तस्करमिा गृहमन्त्रीको नाम जोडिनु लज्जाको विषय भएको राजिनामा माग गरिरहेका छन् ।
अब सत्तारुढ दल त्यो पनि नेपाली काँग्रेसका नेता डा. शेखर कोइरालाले पनि गृहमन्त्री रमेश लेखकलाई नैतिकताको आधारमा राजीनामा दिन सुझाव दिएका छन् ।
विराटनगर विमानस्थलमा शनिबार सञ्चारकर्मीसँग कुरा गर्दै कोइरालाले अध्यागमन विभागमा भएको भ्रष्टाचारका विषयमा कुरा उठिसकेपछि नैतिकताको आधारमा गृहमन्त्रीले राजीनामा दिनु उपयुक्त हुने बताएका हुन् ।
विगतमा पनि केही मन्त्रीहरुले राजीनामा दिएर छानबिनमा सघाएको र मन्त्री लेखकले राजीनामाा दिँदा नैतिकतामा सघाउ पुग्ने बताए । नेता कोइरालाले संवैधानिक निकायहरु सचिवहरुको रिटायरमेण्ट क्लब जस्तो बनेकाले कर्मचारीहरुको लागि कुलिङ पिरियड अत्यावश्यक रहेको पनि बताए ।
