अनलाइन डबली
बाग्लुङ । नेकपा (माओवादी केन्द्र)को अभियान गण्डकी प्रदेश प्रवेश गरेको छ । विहीबार विहान रोल्पा हुँदै गण्डकी प्रदेशको बाग्लुङ प्रवेश गरेको हो ।
बैतडीको पाटनबाट सुरु भ्एको मध्यपहाडी लोकमार्ग अभियान टोली सुदूरपश्चिम, कर्णाली र लुम्बिनी प्रदेशका विभिन्न जिल्लामा अभियान सम्पन्न गरेको छ ।
अभियान टोलीलाई बाग्लुङको निसिखोला क्षेत्रमा बाजागाजासहित भव्य रूपमा स्वागत गरिएको थियो ।
लुम्बिनी प्रदेशका इन्चार्ज बलदेव खनाल नेतृत्वको टोलीले गण्डकी प्रदेशका इन्चार्ज दिनानाथ शर्माको नेतृत्वमा रहेको टोलीलाई औपचारिक रूपमा झन्डा हस्तान्तरण गरेको थियो।
प्रचण्डलाई भेट्न भन्दै बच्चादेखि जेष्ठ नागरिकसम्म लाइनमा बसिरहेका थिए । उनिहरु घामपानी नभनी लामो समयदेखि प्रचण्डलाई स्वागत गर्न फुलमाला बोकेर सडक छेउमा लाइनमा उभिएका थिए ।
प्रचण्डले मुस्कानसहित बालबालिका र जेष्ठ नागरिकको स्वागतलाई हार्दिकतापूर्वक स्वीकार गरेका थिए ।
अहिले ढोरपाटनमा आयोजित जनसभा सुरू भएको छ ।
