अनलाइन डबली
काठमाडौं । नागरिक उन्मुक्ति पार्टीका संरक्षक रेशम चौधरी पक्राउ परेका छन् ।
चौधरी पार्टी एकता कार्यक्रममा सहभागी हुन काठमाडौँस्थित प्रज्ञा भवन पुगेका थिए । उनलाई सादा पोसाकका प्रहरीहरूले पक्राउ गरेर डिल्लीबजार कारागार लगेको हो ।
पक्राउ गरेर डिल्लीबजार कारागार लगेको हो । एकता कार्यक्रम सुरु हुनु अघि नै उनलाई पक्राउ गरिएको हो ।
उनी एकता कार्यक्रममा सहभागी हुन प्रज्ञा भवन पुगेका थिए । उनलाई सादा पोसाकका प्रहरीहरूले पक्राउ गरेर हो ।
कैलालीको टिकापुरमा भएको घटनामा चौधरीलाई सर्वोच्च अदालतले कैदको फैसला सुनाएको थियो ।
त्यो फैसला कार्यान्वयनका लागि जेलमा रहेका बेलामा सरकारले उनलाई आममाफी दिएपछि छुटेका थिए । उनी छुटेपछि आएको फैसलाको पूर्णपाठमा उनलाई आममाफी दिन नमिल्ने लेखिएको थियो ।
चौधरी पक्राउसँगै आज हुने भएको एकता कार्यक्रम स्थगित भएको छ । जनमतका अध्यक्ष सीके राउतले थारु र मधेसी जनतालाई मिल्न नदिन पक्राउ गरिएको भन्दै आपत्ति जनाएका छन् ।
अब पार्टी एकता के हुन्छ भन्ने अन्यौलता छाएको छ । प्रारम्भिक प्रतिक्रिया दिँदै नेताहरुले एकता नरोकिने बताएका छन् ।
जिल्ला प्रहरी परिसर काठमाडौँका एसपी अपिल बोहराले फैसला कार्यान्वयनका लागि चौधरीलाई पक्राउ गरिएको जानकारी दिए ।
