अनलाइन डबली
काठमाडौं । शिक्षकहरुको आन्दोलन नरोकिएपछि शिक्षामन्त्री विद्या भट्टराईले राजीनामा दिएकी छन् । शिक्षकहरुका माग पूरा गर्न मन्त्रीले भट्टराईले चाहेपनि प्रधानमन्त्री केपी शर्मा ओली नै सकारात्मक नभएपछि मन्त्री भट्टराईले आफैले राजिनामा दिएको बताइएको छ ।
शिक्षकहरुलाई पटकपटक आग्रह गर्दापनि विद्यायलय नफर्किएपछि नैतिक रुपमा मन्त्रीले राजिनामा दिएको मन्त्रालय स्रोतले बतायो । उनले सोमबार प्रधानमन्त्री केपी शर्मा ओलीलाई भेटेर राजीनामा बुझाएकी बताइएको छ ।
मन्त्री भट्टराईले शिक्षकहरुका मागहरु सम्बोधन गर्न सकारात्मक भूमिका खेलेपनि मन्त्रीले नै चाँसो नदेखाएपछि बाध्य भएर राजिनामा दिएको स्रोतको दाबी छ ।
आज बस्ने मन्त्रिपरिषद् बैठकमा शिक्षकहरुको माग पूरा गर्ने ठोस खाका ल्याउने भनिएपनि त्यो नभएपछि त्यसअघि नै मन्त्रीले राजिनामा दिएकी छन् ।
मन्त्रिपरिषद् बैठकले उनको राजिनामा स्वीकृत गर्ने वा नगर्ने भन्नेबारे निर्णय आजै हुनेछ ।
