पोखरा । प्रभु बैंक लिमिटेड र गोरखा नगरपालिका वडा नं. ६ अर्घलेस्थित गोरखा गार्डन होटल प्रा.लि.बीच व्यवसायीक साझेदारीको लागि सम्झौता भएको छ ।

सम्झौताअनुसार प्रभु बैंकका कर्मचारी र ग्राहर्कहरुलाई गोरखा गार्डन होटलले उपलब्ध सेवाहरुमा बिशेष छुट प्रदान गर्नेछ ।

यही बैशाख २ गते एक समारोहबीच भएको सम्झौतामा प्रभु बैंक लिमिटेड तर्फबाट बैंकका गण्डकी प्रदेश प्रमुख अधिकृत राजु राना र होटलका तर्फबाट अध्यक्ष सुरेन्द्र कुवँरले समझदारी पत्रमा हस्ताक्षर गरेका छन् ।

सम्झौताअनुसार प्रभु बैंकका ग्राहक तथा कर्मचारीहरुले बैंकको डेबिड÷क्रेडिट कार्ड तथा बैंकको अन्य कुनै बिद्युतीय माध्यमद्वारा बील भुक्तानी गर्दा गोरखा गार्डन होटल प्रा.लि.मा उपलब्ध आवास, खाना तथा मनोरञ्जनलगायतका सेवाहरुमा १५ प्रतिशत छुट प्राप्त गर्न सक्नेछन् ।

गोरखाको मुटुमा अवस्थित, गोरखा गार्डेन होटल आरामदायी बसाइको लागि न्यानो, परिवारमैत्री वातावरण, आरामदायी आवास र असाधारण सेवाको साथ मिश्रित नयाँ गन्तव्य हुन सक्छ ।

प्रभु बैंक लिमिटेड तथा गोरखा गार्डन होटल प्रा.लि.बीच भएको योे साझेदारीले गोरखाको पर्यटनको प्रवद्र्धन हुनुका साथै ग्राहकहरु पनि लाभान्वित हुने प्रभु बैंकले विश्वास गरेको छ ।