अनलाइन डबली
काठमाडौँ । अन्ततः सरकार ६ वटै अध्यादेश पास गराइछाेड्ने अडानबाट पछि हट्न बाध्य भएकाे छ ।
जसपा नेपालले बरू सरकारलाइ दिएकाे समर्थन फिर्ता लिने तर भुमिसम्बन्धि अध्यादेशकाे पक्षमा नउभिने अडान नछाेडेपछि प्रधानमन्त्री केपी शर्मा ओली पछि हट्न बाध्य भएका हुन् ।
आज दिउँसाे प्रतिनिधिसभाको बैठक आज बस्दै छ । १ बजेदेखि शुरु हुने बैठकमा सरकारले यस अघि संसदमा पेश गरेका विभिन्न पाँच अध्यादेशमाथि छलफल र स्वीकृतीका लागि पेश हुने संघीय संसदले सार्बजनिक गरेको आजको सम्भावित कार्यसूचीमा उल्लेख छ ।
सरकारले आज यस अघि जारी गरिएको भुमिसम्बन्धि अध्यादेश बाहेक अन्य पाँच अध्यादेश स्वीकृतिका लागि पेश गर्ने भएको हो ।
सरकारमा रहेका सत्तारुढ दलहरुबीच सोमबार साँझ भूमिसम्बन्धि अध्यादेश बाहेक अन्य अध्यादेश स्वीकृति गराउने सहमति भए बमोजिम संसदमा आज यी अध्यादेशहरु स्वीकृतिका लागि पेश हुने भएका हुन् ।
