अनलाइन डबली
काठमाडौं । भारतकाे ओडिसा राज्यको भुवनेश्वरस्थित कलिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा मृत फेला परेकी प्रकृति लम्सालका बुवा सुनील लम्सालले आफूले न्याय पाउने विश्वास व्यक्त गरेका छन् ।
मंगलबार बिहान भुवनेश्वर पुगेका लम्सालले भारतीय मिडियासँग भने, ‘मैले मेरी छोरी गुमाएको छु। धेरै अन्य बालबालिकाहरू यहाँ पढिरहेका छन्। अन्य नेपाली विद्यार्थीमाथि दमन नहोस् ।’
भारतीय संचारमाध्यम तथा सामाजिक संजालमा नेपाली विद्यार्थीहरूलाई होस्टेलबाट निकालिएको फाेटाे र भिडियाे सार्वजनिक भएका छन् । लम्सालले भातरीय संस्थाका मानिसहरू नेपाल जान्छन् र विद्यार्थीहरूलाई यहाँ पढ्न बोलाउँछन् तर दुर्व्यवहार गर्ने गरेकाे समेत बताए ।
लम्सालले उडिशा सरकार र प्रहरी प्रशासनमाथि विश्वास व्यक्त गर्दै आफ्नी छोरीको मृत्युको घटनामा न्याय पाउने आशा व्यक्त गरे। ‘मैले मेरी छोरीलाई उच्च शिक्षाका लागि यहाँ पठाएको थिएँ। हामीलाई आशा छ सरकारले न्याय सुनिश्चित गर्नेछ। हामीलाई सरकार र प्रहरी प्रशासनमाथि विश्वास छ।’
प्रकृति लम्सालको शव आइतबार साँझ उनको होस्टेलको कोठामा फेला परेको थियो।
