अनलाइन डबली
काठमाडौँ । ग्यास व्यवसायीले आन्दोलन स्थगित गरेका छन् । बिहीबार उद्योग वाणिज्य तथा आपूर्ति मन्त्रालयमा सरकार र व्यवसायीबीच भएको वार्तामा सबै माग पूरा गर्ने सहमति भएको छ ।
सरकारले व्यवसायीका सबै माग १५ दिनभित्र पूरा गर्ने जनाएको छ । व्यवसायीले पनि १५ दिनका लागि आन्दोलनका सबै कार्यक्रम स्थगित गरेका छन् ।
बैठकमा मन्त्री, नेपाल आयल निगम सञ्चालक समितिका पदाधिकारीहरू, निगमका कर्मचारीहरू र नेपाल एलपी ग्याँस उद्योग सङ्घका पदाधिकारीहरू सहभागी थिए ।
व्यवसायीले आन्दोलनको घोषणा गरेसँगै ग्यास अभाव हुने उपभोक्तामा चिन्ता बढेको थियो ।
