काठमाडौँ  । दैनिक एक कप बराबरको रकम दान बात बनेको  “ एक कप चिया”  अभियान अन्तर्गत निःशुल्क आँखा जाँच तथा मोतिविन्दुको शल्यक्रिया गर्दै आएको  युवा नेत्र सेवाले २९ वर्ष यात्रा पूरा गरि ३० औ बर्षमा प्रवेस गरेको छ । २०५२ सालमा  नेत्र अनुसन्धानविज्ञ सिद्धार्थ रञ्जितले काठमाडौँको उत्तर-पश्चिम कुनोमा अवस्थित धर्मस्थलीबाट शुरु गरिएको युवा नेत्र सेवा नामक संस्थामार्फत् शुरु गरेको सेवा कार्य वर्तमानमा देशकै नमूना नेत्र सेवा गर्ने अभियान बनेको छ ।

सेवाले शनिबार आफ्नो तीसौँ वर्ष प्रवेशको अवसरमा आयोजना गरेको वार्षिकोत्सव कार्यक्रम पनि मानव सेवा आश्रममा आश्रित ज्येष्ठ नागरिकहरुलाई निःशुल्क मोतिविन्दु शल्यक्रिया साथै औषधी सेवा प्रदान गरेको छ ।
व्रिष्ठ नेत्र विशेषज्ञ डा. सुधीर गौतम र वरिष्ठ बाल हृदय रोग विज्ञ उर्मिला शाक्यद्वारा दीप प्रज्ज्वलन गरेर शुरु गरिएको कार्यक्रममा सुरेन्द्र ढकाल प्रतिष्ठानका तर्फबाट सेवा कार्यका लागि ३० हजार रुपियाँको चेक प्रदान गर्नु भयो ।

कार्यक्रममा शहरी गरीबहरुका लागि सेवा प्रदान गर्ने संस्था “सूप” का तर्फबाट समाजसेवी गुजेश्वरी श्रेष्ठले शल्यक्रिया गरिएका ज्येष्ठ नागरिकहरुलाई औषधी प्रदान गर्नुभएको थियो।