अनलाइन डबली
काठमाडौँ । नेकपा (माओवादी केन्द्र) का प्रचण्डले चुनाव भ्रष्टाचारको पक्ष र विपक्षबिचमा जनमत सङ्ग्रह भएको बताएका छन् । कीर्तिपुरमा विहीबार भएको चुनावी सभालाई सम्बोधन गर्दै प्रचण्डले अहिलेको सरकारमा भएका पार्टीहरु भ्रष्टाचारीको पक्ष र आफूहरु विपक्षी भएको भएको बताउँदै जनताले आफ्नो मत व्यक्त गर्ने बताए ।
चुनावको आचारसंहिता लागु हुन पूर्व आयोजित चुनावी सभामा प्रचण्डले आफ्नो नेतृत्वको सरकारले भ्रष्टाचारीविरुद्ध निरन्तर प्रहार गर्न थालेपछि रातारात नेपाली काँग्रेस र नेकपा एमाले एकठाउँमा पुगेको दाबी समेत गरे । प्रचण्डले आफ्नो पार्टी भ्रष्टाचारको विपक्षमा भएकोले मत दिन कीर्तिपुरबासीलाई आग्रह समेत गरे ।
उपचुनावलाई जनता भ्रष्टाचारको पक्षमा छन् या विरुद्ध छन् भन्ने फैसला गर्ने सर्वोच्च अदालत भएको बताउँदै प्रचण्डले भनेनेपाली जनता भ्रष्टाचारका पक्षमा हुन
नसक्ने बताए ।
नेपाली जनता सुशासन, सामाजिक न्याय, आर्थिक समृद्धिका पक्षमा रहेको समेत बताए । कीर्तिपुरबासी जहिले पनि परिवर्तनको पक्षमा उभिएको विगत भएको बताउँदै प्रचण्डले अहिले सुशासन र भ्रष्टाचारविरुद्धको आन्दोलनमा आफूहरुले अगाडि सारेका उम्मेदवारलाई जिताउन अपील समेत गरे ।
एक अर्को प्रसंगमा बोल्दै प्रचण्डले केपी शर्मा ओली नेतृत्वको सरकार असंवैधानिक ढंगले बनेको दाबी गर्दै आवश्यक परे नयाँ आन्दोलनतिर पनि जाने बताए ।
‘अहिलेको सरकारले अलोकतान्त्रिक र असंवैधानिक कदम चाल्न खोज्दैछ। त्यसको फैसला जनताले सुनाउनेछ। जरुरी पर्यो भने हामी नयाँ आन्दोलनतिर पनि जानेछौं’ प्रचण्डले भने ।
