काठमाडाैँ । बंगलादेशमा अन्तरिम सरकार  गठन भएको छ। बिहीबार राति नोबेल पुरस्कार विजेता डा. मोहम्मद युनुसको नेतृत्वमा अन्तरिम सरकार गठन भएको छ ।

अन्तरिम सरकारमा प्रधानमन्त्री शेख हसिनाकाे सत्ता पल्टाउने आन्दोलनकाे मुख्य नेतृत्वकर्ता  दुई विद्यार्थी नेता पनि मन्त्री बनेका छन् । मुख्य नेतृत्व सेनाले गरेकाे अन्तरिम सरकारमा युनुसलाई प्रधानमन्त्री भनिसकिएकाे छैन । उनलाइ सल्लाहकार भनिएकाे छ । सदस्यहरूलाइ सल्लाहकार परिषद् भनिएकाे छ । तर, युनुसले प्रधानमन्त्री र सदस्यहरूले मन्त्री सरह कामकाज समाचारमा जनाइएकाे छ ।

याे अन्तरिम सरकारमा युनुससहित १७ सदस्य रहेका छन् । सेनाकाे तर्फबाट पनि सरकारमा सहभागिता रहेकाे छ । जसमा विद्यार्थी नेताहरू एम नाहिद इस्लाम र आसिफ महमूद साजिब भुइया मन्त्री बनेका छन् । यी दुबैले हसिनाकाे सत्ता पल्टाउने विद्यार्थी आन्दोलनमा महत्वपूर्ण भूमिका खेलेका हुन् ।

को हुन् नाहिद इस्लाम ?

नाहिद इस्लाम धेरै दिनदेखि बंगलादेशमा आरक्षणविरुद्ध चलिरहेको विद्यार्थी आन्दोलनको मुख्य अनुहार हुन्। नाहिद एक बंगलादेशी विद्यार्थी कार्यकर्ता हुन्, उनी बंगलादेश कोटा सुधार आन्दोलनका प्रमुख नेताहरूमध्ये एक हुन् । विद्यार्थीको यो आन्दोलन पछि असहयोग आन्दोलनमा परिणत भयो । यो आन्दोलन शेख हसिना सरकारको पतनको कारण बन्न पुग्यो । विद्यार्थी नेता नाहिदकै कारण आन्दोलन यति हिंसात्मक बनेको थियो भने शेख हसिनाले प्रधानमन्त्री पदबाट राजीनामा दिनुपरेको थियो । नाहिद पनि मोहम्मद युनुसलाई अन्तरिम सरकारको नेतृत्व गर्न मनाउने व्यक्ति हुन्।

नाहिद इस्लामको जन्म सन् १९९८ मा ढाकामा भएको थियो । उनी ढाका विश्वविद्यालयबाट २०१- १७ ब्याचका समाजशास्त्रका विद्यार्थी हुन्। उनी मानवअधिकारकर्मी तथा विद्यार्थी संगठन ‘विभेद विरुद्ध विद्यार्थी’का संयोजक पनि हुन् । उनका बुबा शिक्षक र आमा गृहिणी हुन्। नाहिद विवाहित र एक कान्छो भाइ छन्।

को हुन् आसिफ महमूद ?

बंगलादेशको अन्तरिम सरकारका सदस्य आसिफ महमूद विद्यार्थी आन्दोलनको अर्को ठूलो अनुहार हुन  । आसिफ भेदभाव विरोधी विद्यार्थी आन्दोलनका मुख्य संयोजक हुन् । कुमिल्लाका आसिफ ढाका विश्वविद्यालयको २०१७(१८ ब्याचका भाषा अध्ययनका विद्यार्थी हुन्। उनी जून महिनामा आरक्षण विरुद्धको राष्ट्रव्यापी विद्यार्थी आन्दोलनमा सामेल भए। आसिफ महमूद जम्मा २६ वर्षका छन् ।

आसिफ महमूदले नख्खलपारा हुसेन अली हाई स्कूलबाट पढेका थिए । र, २०१५ मा एसएससी पास गरेका थिए। उनले सन् २०१७ मा आदमजी क्यान्टोन्मेन्ट कलेजबाट एचएससी पास गरेका थिए । आसिफ कलेजको बीएनसीसी प्लाटुनका पूर्व क्याडेट सर्जेन्ट थिए। उनी ढाका विश्वविद्यालयको विद्यार्थी अधिकार परिषद्का अध्यक्ष पनि थिए।