काठमाडौँ । राष्ट्रिय स्वतन्त्र पार्टी (रास्वपा) ले नेपाली काँग्रेस र एमालेबीच भएको नयाँ गठबन्धन देश र जनताको हितमा नभएको निष्कर्ष निकालेको छ ।

आज विहान बसेको सचिवालय बैठकले सो निष्कर्ष निकाल्दै प्रचण्ड सरकारलाई अन्तिमसम्म साथ लिने र नयाँ सरकारमा सहभागी नहुने निर्णय गरेको हो ।

बैठकपछि प्रमुख सचेतक सन्तोष परियार नयाँ गठबन्धन देश र जनताको हितमा नरहेको भन्दै यसले देशलाई राजनीतिक स्थायित्व पनि नदिने बैठकले निष्कर्ष निकालेको जानकारी दिए ।

उता माओवादी केन्द्रको पदाधिकारी बैठकले पनि प्रधानमन्त्रीले राजिनामा नदिने र संसदमा विश्वासको मतको सामना गर्ने निर्णय गरेको छ । उसले रास्वपासँग छलफल गरेर अगाडि बढ्ने निर्णय गरेको छ ।