अनलाइन डबली
काठमाडौँ । भारतीय प्रधानमन्त्री नरेन्द्र मोदी उतार प्रदेशको वाराणसी निर्वाचन क्षेत्रबाट लगातार तेस्रो पटक जित हासिल गरेका छन् ।
मोदीले भारतीय राष्ट्रिय कांग्रेसका उम्मेदवार अजय रायलाई एक लाख ५२ हजार ५१३ मतान्तरले पराजित गरेका हुन् ।
मोदीले ६ लाख १२ हजार ९७० मत प्राप्त गरेका छन् भने रायले ४ लाख ६० हजार ४५७ मत पाएका छन् ।
यस पटक मोदीको जित अन्तर भने घटेको छ । अघिल्लो २०१९ को निर्वाचनमा मोदीले समाजवादीकी शालिनी यादवलाई ४ लाख ७९ हजार ५०५ मतान्तरले पराजित गरेका थिए ।
२०१४ मा मोदीले दिल्लीका मुख्यमन्त्री अरविन्द केजरीवाललाई ३ लाख ७१ हजार ७८४ मतान्तरले हराएका थिए ।
सात चरणमा मतदान सम्पन्न भएलगत्तै गरिएको सर्वेक्षणहरुले भारतीय जनता पार्टी नेतृत्वको गठबन्धनले ४ सय मत कटाउने देखाएका थिए । तर, मत गणना मध्य भागमा पुग्दा भने त्यो पूरा नहुने निश्चित जस्तै भएको छ ।
मोदीले चुनावी प्रचारको क्रममा बिजेपीले एक्लै बहुमत प्राप्त गर्ने दाबी गरेका थिए ।
आफ्नै क्षेत्रमा मतान्तर पनि घटेको छ । मोदीको उत्तराधिकारीको रुपमा आफूलाई पेश गर्दै आएका आदित्यनाथलाई पनि उत्तर प्रदेशमा परिणामले झट्का दिएको छ । उत्तर प्रदेशमा इन्डिया गठबन्धन अगाडि देखिएको छ ।
यसले पनि मोदीको अतिवादले विस्तारै लोकप्रियता घट्दै गएको छ ।
