अनलाइन डबली
काठमाडौं । नेकपा (माओवादी केन्द्र) ले अस्थायी आवास तथा पुनर्निर्माणको लागि ३ हजार १ सय भोलेन्टियर खटाउने भएको छ । पार्टीको कर्णाली प्रदेशको शनिबार बसेको अभियानको समिक्षा बैठकले सो निर्णय गरेको हो ।
चार महिने अभियान अन्तरगत कर्णाली प्रदेशले भूकम्पबाट ध्वस्त भएका क्षेत्रमा पुनर्निर्माणलाई अभियानात्मक रुपमा अगाडि बढाउन भोलेन्टियर खटाउने निर्णय गरेको छ । अहिले अस्थायी घर निर्माणको काम अगाडि बढेको छ ।
खटिने भोलेन्टियर प्रभावित क्षेत्रमा खटिनेहरूले अस्थायी आवास तथा पुनर्निर्माण कार्यमा सहयोग गर्ने माओवादी केन्द्रले जनाएको छ ।
अध्यक्ष विमला केसीका अनुसार उक्त संख्या प्रदेशभित्रैबाट परिचान गरिनेछ । प्रत्येक जिल्लाहरुबाट टोली प्रभावित क्षेत्रमा परिचालन गरिने छ ।
