काठमाडौँ । बागमती प्रदेश स्वास्थ्य अन्तरगतको स्वास्थ्य निर्देशनालयका निर्देशक महेश्वर श्रेष्ठको फिर्ता भएको छ । स्वास्थ्य तथा जनसंख्या मन्त्रालयले मातहतका कर्मचारीहरुलाई दरबन्दी भएको ठाउँमा फिर्ता पठाउने निर्णय गरेको थियो ।

मन्त्रालयले असार २५ गते मन्त्रिस्तरिय निर्णय गरेर सातवटै प्रदेश, संघ र स्थानीय तहमा कार्यरत कर्मचारीलाई फिर्ता बोलाएको थियो । उक्त निर्णयअनुसार पत्राचार गरेको थियो ।

उक्त परिपत्रलाई अटेर गरेपछि मन्त्रालयले फेरि भदौ ११ गते श्रेष्ठको दरबन्दी भएको लुम्बिनी प्रदेश मुख्यमन्त्री तथा मन्त्रिपरिषद्को कार्यालयमा काज फिर्ता गरेको थियो ।

स्वास्थ्य मन्त्रालयका निर्णयअनुसार बागमती प्रदेश मुख्यमन्त्री तथा मन्त्रिपरिषद् कार्यालयले श्रेष्ठलाई तत्काल रमाना लिई फिर्ता पठाउन आज निर्देशन दिएको छ ।

अब भने श्रेष्ठ दरबन्दी भएकै ठाउँमा जानु पर्ने बाध्यता सिर्जना भएको छ ।