अनलाइन डबली
काठमाडौं । राष्ट्रिय खेलकुद परिषदले गण्डकी प्रदेशमा भएको नवौं राष्ट्रिय खेलकुदमा ५३ करोड ७९ लाख ४ हजार २३९ रुपैयाँ ८ पैसा खर्च भएको बताएको छ ।
परिषद्का सदस्य सचिव टंक घिसिङका अनुसार ६ करोड ८२ लाख ४८ हजार ४६० रुपैयाँ ९२ पैसा वचत छ । प्रतियोगिताका लागि नेपाल सरकारबाट ६० करोड १० लाख विनियोजन भएको, आन्तरिक आम्दानीबाट ५१ लाख ५२ हजार ७ सय रुपैयाँ पाएको र कुल आम्दानी ६० करोड ६१ लाख ५२ हजार ७ सय रहेको पनि घिसिङले जानकारी दिए ।
राष्ट्रिय खेलकुद परिषद्ले गण्डकी प्रदेशको पोखरा लगायत ८ जिल्लामा २०७९ असोज २८ गतेदेखि कात्तिक ३ गतेसम्म नवौं राष्ट्रिय खेलकुद २०७९ सफलतापूर्वक आयोजना गरेको थियो ।
उक्त प्रतियोगितामा ३४१४ जना पुरुष र २७१३ जना महिला सहित कुल ६१२७ जना खेलाडीले ३९७ स्वर्ण, ३९७ रजत र ५५३ कास्य सहित कुल १३४७ पदका लागि प्रतिष्पर्धा गरेका थिए ।
एघार टिमको सहभागिता रहेको खेलमा नेपाल आर्मीले उपाधि जितेको थियो ।
