अनलाइन डबली
काठमाडौं । मनसुन सुरु भएसँगै बाढी-पहिरो आउन सुरु भएको छ । यो वर्षको मनसुनको पहिलो पहिरो ताप्लेजुङकाे सिदिङ्वा गाउँपालिका-६ मेहेलेमा गएको छ ।
गएराति परेको अविलर वर्षासँगै आएको पहिरोमा एकै घरका तीन जनासहित चार जना बेपत्ता भएका छन् । स्थानीयका अनुसार माथिबाट आएको पहिरोमा परि एकै घरका यामकुमार बुढाथोकीकी श्रीमती भगीमाया बुढाथोकी, बुहारी सन्ध्या बुढाथोकी र नाति प्रज्वल बुढाथोकी बेपत्ता भएका छन् ।
त्यस्तै छिमेकी हर्कबहादुर तामाङका छोरा गणेश तामाङ पनि बेपत्ता भएको प्रहरीले जनाएको छ ।
वर्षासँगै मैवाखोलामा आएको बाढीका कारण ताप्लेजुङकाे दोभानमा ५ वटा घर पहिराेकाे जोखिममा परेको बताइएको छ ।
