काठमाडौं । आज नेपाल र फिलिपिन्सबीच मैत्रीपूर्ण फुटबल खेल हुँदैछ । साफ च्याम्पियनपसिप अघिको यो अभ्यास खेल नेपालका लागि कमजोरी सुधारको मौका हुने विश्वास छ ।

फिलिपिन्सको राजधानी मनिलामा मैत्रीपूर्ण खेल हुन लागेको हो ।

असार ६ गतेदेखि साफ खेल भारतमा सुरु हुँदैछ । फिलिपिन्ससँग अभ्यास खेल खेलेपछि नेपाली टोली साफ खेल खेल्न सिधै भारतको बेंग्लोर जाने छ ।

साफ खेलको समूह ‘ए’ मा नेपाल, भारत, पाकिस्तान र कुवेत छन् भने समूह ‘बी’ मा माल्दिभ्स, भुटान, लेबनान र बंगलादेश छन् ।