बुटवल । पाल्पामा बस दुर्घटना हुँदा एक जनाको मृत्यु भएको छ । तिनाउ गाउँपालिका–५ स्थित जोरधारामा भएको दुर्घटनामा अन्य १८ जना घाइते भएका छन् ।
बुटवलबाट बाग्लुङतर्फ जाँदै गरेको लु१ख ५९५६ नम्बरको बस आइतबार विहान सबा ९ बजे दुर्घटना भएको पाल्पा प्रहरीले बताएको छ ।
प्रहरीका अनुसार एक महिलाको घटनास्थलमै मृत्यु भएको छ । घाइतेमध्ये धेरैका अवस्था गम्भीर रहेको प्रहरीले जनाएको छ। अहिले बस भीरमा अड्किएको अवस्थामा अन्य यात्रुको उद्धार भइरहेको छ।
उद्धार कार्य भइरहेका हुँदा थप विवरण आउन सकेको छैन ।