हुम्ला । जिल्लाको ताजाकोट गाउँपालिकामा निःशुल्क आँखा शिविर सम्मपन्न भएको छ । चैत २८ र २९ गरेर २ दिने सो शिविरमा ६३ जनाको मोतिबिन्दुको सफल अप्रेसन सहित ४ सय ७८ जनाको आँखा जाँच भएको पालिका अध्यक्ष लालकेश जैसीले बताएका छन् ।

२ सय ७ महिला र २ सय ६१ पुरुषको उपचार हुनुका साथै १ सय ९० जनालाई चस्मा वितरण गरिएको अध्यक्ष जैसीले अनलाईन डबलीलाई जानकारी दिए ।
सो दुई दिने शिविरलाई ताँजाकोट गाउँपालिकाको आयोजना र नेपाल नेत्र ज्वतिसंघले जर्मन कोअपरेशन,सिविन(दातृ संस्था),नेपाल रेडक्रस सोसाइटी हुम्ला,आँखा अस्पताल सुर्खेतले आर्थिक लगायतका सहयोग गरेका थिए ।

सर्जन मिनिस खतिवडा सहितको ११ जना र ताजाकोटमा कार्यरत स्वास्थ्य कर्मिहरुलाई स्थानियहरुको आँखा उपचारमा सघाउने तथा शिविर सफल पार्ने सबैलाई अध्यक्ष जैसीले धन्यबाद दिएका थिए ।