अनलाइन डबली
काठमाडौँ । रवि लामिछानेलाई नाजायज उन्मुक्ति दिन खोजेको भन्दै सर्वोच्च अदालतमा परेको रिट निवेदनको पेशी आज तोकिएको छ । मंगलबार पेशी तोकिएपनि न्यायाधीश अनिलकुमार सिन्हाले आफूले मुद्दा हेर्न नमिल्नेमा राखेपछि उक्त पेशी आजलाई तोकिएको हो ।
सर्वोच्चका न्यायाधीश सिन्हाले यसअघि संवैधानिक इजलासमा आफ्ना राय आइसकेकाले आफूरहितको इजलासमा निवेदन पेस गर्नुपर्ने बताएपछि पेशी सरेको थियो । आज १० बजे सिन्हा बाहेककाे इजलासमा रिटको सुनुवाइ हुनेछ ।
राष्ट्रिय स्वतन्त्र पार्टीका सभापति समेत रहेका लामिछानेमाथि मुद्दा नचलाउने महान्यायाधिवक्ता दिनमणि पोखरेलले निर्णय गरेका थिए । उक्त निर्णयविरुद्ध युवराज पौडेल सर्वोच्च अदालत पुगेका थिए ।
लामिछानेले अमेरिकी नागरिक भएकै बेला नेपाली राहदानी लिएका थिए ।
