अनलाइन डबली
काठमाडौं । टर्कीमा फेरि अर्को शक्तिशाली भूकम्प गएको छ ।सोमबार राति ८ बजेर ४ मिनेटमा सिरियासँग सीमा जोडिएको देशको दक्षिणी क्षेत्रमा ६.४ म्याग्निच्युडको भूकम्प गएको हो ।
उक्त भूकम्पमा परी ३ जनाको मृत्यु भएको छ । भूकम्पको प्रभाव सिरियामा समेत परेको छ । टर्की र सिरियामा गरी ६०० भन्दा धेरै घाइते भएको अन्तर्राष्ट्रिय सञ्चारमाध्यमले जनाएका छन् ।
१५ दिन अगाडि मात्रै सोही क्षेत्रलाई केन्द्रविन्दु बनाएर ७.८ म्याग्निच्युडको शक्तिशाली भूकम्प जाँदा त्यहाँ ४४ हजारभन्दा धेरैको मृत्यु भएको थियो ।
उक्त शक्तिशाली भूकम्पको उद्धार र राहतको कार्य नसकिंदै फेरि अर्को भूकम्प गएपछि टर्कीमा थप समस्या भएको छ ।
शक्तिशाली भूकम्पका कारण टर्कीमा भौतिक संरचनाहरूमा पनि ठूलो क्षति पुगेको छ । ती भग्नावशेषमा मानिसहरू फसिरहेका छन् । उनीहरूको उद्धार कार्य भर्इरहेको त्यहाँका अधिकारीहरूले बताएका छन् ।
