अनलाइन डबली
काठमाडौं। नेपाल तरुलमा आत्मर्निभर बन्दै गएको छ । माघीको समयमा सबैभन्दा बढी विक्री हुने तरुल विगतभन्दा यो वर्ष भारतबाट कम आयत भएको छ । बजारमाको माग स्वदेशी तरुलले धानेकैले बाहिरबाट आयत ह्वात्तै घटेको हो ।
विचौलियाले नेपाली तरुलभन्दा भारतीय तरुल स्वादिलो हुन्छ भन्दै यो वर्ष पनि ठूलो मात्रामा भित्र्याएका छन् । तर, यो विगतका वर्षभन्दा निकै कम रहेका व्यवसायीहरु बताउँछन् ।
कालीमाटी फलफूल तथा तरकारी विकास समितिका अनुसार माघे संक्रान्तिको लागि मागको करिब साढे ८ प्रतिशत मात्रै आयात भएको छ। बाँकी ७२.५ प्रतिशत तरुल स्वदेशी उत्पादित हो । माघीमा तरुलसँगै, पिँडालु, इस्कुसको जरा, सखरखण्ड र कन्दमुलहरु बढी खपत हुन्छ । तरुलजस्तै अन्य पनि स्वादेशकै छ ।
समितिका अनुसार माघीलाई केन्द्रीत गरेर बजारमा करिब १७ सय ३५ टन कन्दमुलहरु भित्रिएको छ । यसको ठूलो हिस्सा स्वदेशी उत्पादन रहेको छ । स्वदेशी तरुल भारतीयभन्दा महंगो भएपनि उपभोक्ताहरुले तराईका जिल्लामा उत्पादित हात्तिपाइले, वन तरुलहरु बढी मन पराउँछन्।
कालीमाटी बजारको शनिबारसम्मको तथ्यांक अनुसार करिब १२ सय ६० टन तरुल बजारमा गएको छ । जसमा भारतबाट २ सय २६ टनमात्र तरुल आयात भएको छ । नेपालका तराई तथा पहाडी जिल्लाहरुबाट यसवर्ष बढी तरुल उत्पादन भएको छ ।
