अनलाइन डबली
काठमाडौं । आज फाइनान्स कम्पनीहरुले ब्याजदर घटाउने लागेका छन् । नेपाल वित्तीय संस्था संघको बैठक बसेर ब्याजदर घटाउन लागेको हो । संघका अध्यक्ष सरोज तुलाधरले आज बस्ने बैंठकले ब्याजदर घटाउने बताए ।
बिहीबार डेभलपमेन्ट बैंकर्स एशोशियसनको बैठकले विकास बैंकको ब्याजदर घटाउने निर्णय गरेको थियो । बैठकले माघदेखि लागु हुने गरि ब्याजदर घटाउने निर्णय गरेको छ ।
एशोसियसनका अध्यक्ष प्रध्युमन पोखरेलका अनुसार विकास बैंकहरुले व्यक्तिगत मुद्दति निक्षेपमा हालको ब्याजदर १२.८५ प्रतिशत रहेकोमा त्यसलाई १२ प्रतिशत कायम गरिएको छ ।
बुधबार नेपाल बैंकर्स संघको निर्णयसँगै विकास बैंक र फाइनान्सलाई पनि ब्याजदर घटाउन दवाव सिर्जना भएको थियो ।
बैंकर्स संघले व्यक्तिगत मुद्दतीतर्फको ब्याजदर १२.१३ प्रतिशतबाट घटाएर ११ प्रतिशत कायम गर्ने निर्णय गरेको थियो ।
