अनलाइन डबली
काठमाडौंको मुख्य व्यापारिक केन्द्र नयाँ सडक ( न्यूरोड) स्थित महर्जन कम्प्लेक्समा पसल कवल बुकिङमा टेस्ला गाडी जित्न सकिने मौकाका साथ बुकिङ्ग खुल्ला गरेको छ ।
महर्जन बिजनेस एसोसिएट्सले कम्प्लेक्समा पसल कवलहरु बुकिङ गर्नेलाई विशेष छुटको साथै गाडी र आइफोनसहितको उपहारको अफर ल्याएको हो ।
कम्प्लेक्समा सिमित संख्यामा पसल कवलहरु बाँकि रहेको र ती पसल कवलहरु बुकिङ गर्नेलाई गाडीको साथमा हात खालि नजाने उपहारका अफर ल्याएको महर्जन बिजनेस एसोसिएट्सका अध्यक्ष कृष्णलाल महर्जन बताउनु हुन्छ ।
‘आउँदो पुस २५ गतेसम्ममा पसल बुक गर्नेलाई १० प्रतिशत छुटको साथमा हात खाली नजाने गरी हरेकलाई आईफोन १४ दिइनेछ । साथमा लक्की ड्रमार्फत डेढ करोड मूल्यको टेस्ला गाडी र हिराको, सुनको हारसमेत उपहार दिने अफर ल्याएको छौं’ महर्जनले भने ।
महर्जनका अनुसार पसल बुकिङ गर्नेहरुमध्येमा लक्की ड्रमार्फत प्रथम पुरस्कारस्वरुप टेस्ला गाडी दिइनेछ ।
त्यस्तै दोश्रो पुरस्कार हुन्डाइको कोना कार, तेश्रो पुरस्कार नीटा इभि कार दिन लागिएको छ । चौथो पुरस्कारमा हिराको हार र पाँचौ पुरस्कारमा सुनको हार दिइनेछ ।
यसको साथमा पसल बुक गर्नेलाई हरेकलाई आइफोन १४ दिइनेछ ।
पुस १३ गते बुधबारबाट सुरु हुने यो अफर आउँदो पुस २५ गतेसम्म मात्र रहने कम्पनीले जनाएको छ ।
