काठमाडौं । आज मंगलबार सुनको भाउ घटेको छ ।अघिल्लो दिनको तुलनामा सुनको भाउ तोलामा २ सय रूपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला २ सय रूपैयाँले घट्दै ९९ हजार ३ सय रुपैयाँ कायम भएको हो । अघिल्लो दिन छापावाला सुन प्रतितोला ९९ हजार ५ सय रूपैयाँ तोकिएको महासंघले जनाएको थियो।

त्यस्तै, तेजाबी सुनको मूल्यमा पनि गिरावट आएको छ । आज तेजाबी सुनको मूल्य तोलामा २ सय रूपैयाँले नै घट्दै ९८ हजार ८ सय रूपैयाँमा कारोबार भइरहेको महासंघले जनाएको छ । अघिल्लो दिन तेजाबी सुन प्रतितोला ९९ हजार रुपैयाँमा कारोबार भएको थियो ।

आज चाँदीको मूल्य भने अघिल्लो दिनको तुलनामा ३५ रूपैयाँले घट्दै प्रतितोला १ हजार ३५० रूपैयाँमा कारोबार भईरहेको महासंघले जनाएको छ ।