काठमाडौं ।  काठमाडौं महानगरपालिकाको वडाध्यक्षहरुले महानगरपालिकाले वागमती नदी किनाराका सुकुम्बासी बस्ती हटाउन गएका महानगर प्रहरीलाई नेपाल प्रहरीले असहयोग गरेको आरोप लगाएका छन् ।

सोमबार थापाथलीको सुकुम्बासी बस्तीमा भएको घटनाको समीक्षा गर्न बसेको वडाका वडा अध्क्षयहरुले बैठकमा नेपाल प्रहरीले सहयोग नगरेको आरोप लगाएका हुन्  । बैठकमा महानगरका  प्रमुख बालेंन साहले सरकारको आलोचना गर्दै सुरक्षाकर्मीले सहयोग नगरेका कारण सुकुम्बासी बस्ती खालि गराउन नसकेको बताउनुभयो ।

अधिकार सम्पन्न बागमति सभ्यता एकीकृत विकास समितिको आग्रहकमा सोमबार दिउँसो महानगरको टोली थापाथलीमा सुकुम्बासी बस्ती खाली गर्न जाँदा सुकुम्बासी र प्रहरीबीच झडप हुँदा महानगरका ३६ प्रहरी घाइते भएका थिए ।

अधिकार सम्पन्न वागमती सभ्यता एकीकृत विकास समितिले बिना तयारी महानगरको प्रहरीलाई सुकुम्बासी बस्ती खाली गर्न आग्रह गरेको र सोही आधारमा कामपा प्रहरी खटिएका कारण क्षति भएको कामपाको भनाइ छ ।