काठमाडौं । अपर लोहरे हाइड्रोपावर कम्पनी लिमिटेडले आईपीओ निष्काशनको लागि नेपाल धितोपत्र बोर्डसँग अनुमति मागेको छ ।

कम्पनीले सर्वसाधारणलाई २४ करोड ९८ लाख ४ हजार रुपैयाँ बराबरको २४ लाख ९८ हजार ४० कित्ता शेयर निष्काशन गर्ने अनुमति मागेको हो ।

आईपीओ निष्कासनको अनुमति माग्दै कम्पनीले १३ असोजमा आवेदन दिएको नेपाल धितोपत्र बोर्डले जनाएको छ ।

उक्त कम्पनीको शेयर निष्काशन तथा बिक्री प्रबन्धक एनआईसी एशिया क्यापिटल रहेको छ । बोर्डको अनुमति पाएसँगै कम्पनीले प्रतिकित्ता अंकित मुल्य १०० रुपैयाँको दरले आईपीओ निष्काशन गर्नेछ ।

उक्त हाईड्रोपावरले दैलेखको माथिल्लो लोहरे खोलामा ४ मेगावाट जडित क्षमताको अपर लोहरे खोला साना जलविद्युत आयोजना निर्माण गरिरहेको छ ।