अनलाइन डबली
काठमाडौँ । गैर आवसीय नेपाली संघ (एनआरएनए) ले अर्थमन्त्री जनार्दन शर्मा ‘प्रभाकर’ लाई बधाई तथा शुभकामना दिएको छ । मंगलबार संघका अध्यक्ष विनोद कुँवरको नेतृत्वमा गएको टोलीले अर्थमन्त्री शर्मालाई भेटेर बधाई दिएको थियो ।
शर्मा पुनः अर्थमन्त्रीमा नियुक्त भएपछि एनआरएनएको टोलीले भेटेर बजेट कार्यान्वयन गर्न सुझाव समेत दिएको छ । “हामीले सरकारले ल्याएको बजेटको स्वागत गरिसकेका छौं । बजेटले गैर आवासीय नेपालीलाई उत्साहित बनाएको छ । कार्यान्वयनमा होस् भन्ने संघको माग छ” अध्यक्ष कुँवरले भेटको क्रममा भने ।
अध्यक्ष कुँवरले बजेटलाई परनिर्भता बढ्दै गएको नेपाली अर्थतन्त्रलाई बजेटले आत्मनिर्भरतातिर डो¥याउने बताउँदै कार्यान्वयनमा जोड दिँदै आएका छन् । बजेटले विश्वका ८० देशमा छरिएर बसेका नेपालीलाई नेपालमै लगानी गर्ने वातावरण बनाउन संघको माग गर्दै आएको स्मरण गर्दै कुँवरले बजेट कार्यान्वयन भए विदेशमा कमाएको रकम र सीपलाई नेपालमै लगाउने वातावरण बन्ने विश्वास समेत व्यक्त गरे ।
अध्यक्ष कुँवरले वैदेशिक लगानी भित्र्याउन वानडोर नीति आवश्यक भएको बताउँदै आएका छन् । उनले विदेशीलाई दुई करोड लगानी गर्न पाउने कुरा बजेटमा समेटिनु सकारात्मक कुरा भएको बताउँदै विदेशी लगानी बढ्न अपेक्षा गरे ।
