अनलाइन डबली
काठमाडौँ । अनेरास्ववियु (क्रान्तिकारी)को अध्यक्षमा मिलन राई निर्वाचित भएका छन् । नेकपा (बहुमत) निकट अखिल क्रान्तिकारीको काठमाडौँमा सम्पन्न विशेष भेलाले राईको अध्यक्षतामा ७६ सदस्यीय केन्द्रीय समिति निर्वाचित गरेको हो ।
संगठनको उपाध्यक्षमा विरेन्द्र शाह, महासचिवमा रुपा बुढा मगर, सचिव नबराज भट्ट र कोषाध्यक्षमा दिपक बिष्ट निर्वाचित भएका छन् । सोमबार सम्पन्न भेलाले शैक्षिक क्षेत्रमा सुधारको लागि संघर्षका कार्यक्रम समेत तय गरेको बताइएको छ ।
काठमाडौँमा असार १२ गते सनराइज स्मृति दिवससको दिन पार्टीका संयोजक धर्मेन्द्र बास्तोलाले भेलाको उद्घाटन गरेका थिए ।
भेलामा देशभरबाट करिब ६ सय प्रतिनिधिहरू सहभागी भएका थिए । पार्टी विभाजनसँगै नेकपा निकट अखिल क्रान्तिकारीबाट महासचिव राइ, सचिव विरेन्द्र शाह, काेषाध्यक्ष रूपाकाे नेतृत्वमा अखिल क्रान्तिकारी पनि विभाजन भएकाे थिए ।
अखिल क्रान्तिकारीले पदाधिकारीसहित केन्द्रीय समिति निर्वाचित गर्न विशेष भेला बाेलाएकाे थियाे । यसअघि राइलाइ संयाेजक बनाइएकाे थियाे ।
