काठमाडौं । फिल्मी क्षेत्रमा छोटै समयमा चर्चामा आएका पल शाहलाई १२ देखि १४ वर्ष जेल सजायको माग गरिएको छ । प्रहरीले नाबालिका बला’त्कार गरेको भन्दै नवलपुर जिल्ला अदालतमा मुद्दा दायर भएको छ।
नाबालिग गायिकाले दिएको जाहेरीका आधारमा बिहीबार सरकारी वकिलको कार्यालयले अभियोगपत्र दर्ता गरेको हो ।
आफूलाई पल शाहले जबरजस्ती करणी गरेको भन्दै फिल्मी क्षेत्रकै चर्चित गायीका समिक्षाले उजुरी दिएकी थिइन् । उनले उजुरीमा आफू १६ वर्षको उमेर हुँदा पलले करणी गरेको दाबी गरेकी छन् । उनी अहिले १७ वर्षकी भइन् । अभियोग पत्रमा पीडितको हालको उमेर १७ वर्ष भए पनि घटना हुँदा १६ वर्षभन्दा कम उमेर भएको आधारमा बढी सजाय माग भएको हो ।
अब के पल शाहले जेलमा बस्नु पर्ने बस्छन् कि उन्मुक्ति पाउछन् भन्ने विषय चर्चा र चाँसो बनेको छ । मुलुकी अपराध संहिता २०७४ को दफा २१९ को १ र २ अनुसारको कसूर गरेको दावी गर्दै सोही दफाको ३ को (ग) अनुसार सजाय माग गरिएको छ । उक्त दफा अनुसार १४ देखि १६ वर्षसम्मकी बालिका बलात्कार गरेकामा १२ देखि १४ वर्ष सजाय हुने उल्लेख छ ।
यदि अदालतले प्रहरीले पेश गरेका प्रमाणले पुष्टि आरोप पुष्टि गरे पल शाहले उक्त सजाय भोग्नुपर्ने नै हुन्छ ।
