सुर्खेत । बाजुराको जुड्डीको भिरमा गएको पहिरोले कर्णाली नदी थुनिएको थियो । उक्त पहिरोसँगै कर्णाली नदीको पानी सुक्दै गएको छ ।
मंगलबार विहानै एकाएक नदीमा पानी सुक्दै गएपछि आसपासका बासिन्दा तर्सिद हुँदै प्रहरीलाई खबर गरेका थिए । एक स्थानीयका अनुसार कर्णाली नदी साविकको सतह भन्दा १० देखि १५ मिटर तल झरेको छ ।
पलाँताका सव इन्जीनियर सुरेन्द्र खाँण ठकुरीले स्थानीय संचारकर्मीसँग कुरा गर्दै नदी सुकेको र स्थानीय नदी किनारमा गएर माछा छोप्न थालेकाले जुनसुक्कै वेला अप्रिय घटना हुन सक्ने जानकारी दिए ।
यो क्षेत्रमा टोलिफोन तथा मोवाइलको नेटवर्कले राम्रोसँग काम नगरेका कारण सम्पर्क हुन सकिरहेको छैन । स्थानीय नदी किनारमा पुगेका छन् भने माथिबाट नदी फुटेमा ठूलो क्षति हुन सक्ने बताइएको छ ।
