पोखरा । अनेरास्ववियु (क्रान्तिकारी)को राष्ट्रय सम्मेलनको सम्पूर्ण तयारी पूरा भएको छ । विप्लव नेतृत्वको नेपाल कम्युनिस्ट पार्टी निकट विद्यार्थी संगठनको अखिल क्रान्तिकारीको २२ औं राष्ट्रिय सम्मेलन पोखरामा सम्पन्न हुन गइरहेको छ ।
पार्टीका महासचिव विप्लवले भोलि (असोज ६ गते) सम्मेलनको उद्घाटन गर्ने अखिल क्रान्तिकारीले जनाएको छ । सम्मेलन ८ गतेसम्म चल्नेछ । सम्मेलनले नयाँ नेतृत्व चयन गर्नेछ ।
देशभरीबाट प्रतिनिधि र पर्यवेक्षक पोखरामा पुग्ने क्रम जारी छ । आज साँझसम्म सबै प्रतिनिधि तथा पर्यवेक्षक पुगिसक्ने आयोजक समितिले जनाएको छ ।
अखिल क्रान्तिकारीले २१ औं राष्ट्रिय सम्मेलनमा ३० वर्षे उमेर हद लगाएको थियो । ३० वर्ष उमेर पुगेका विद्यार्थी नेताहरुले पार्टीको जिम्मामा जाने दाङमा सम्पन्न २१ औं सम्मेलनले उमेर हद लगाएको थियो ।
