बेलायत निवासी नेपाली नगेन्द्र घले (रिल्ली), केशर गुरुङ्ग, चन्चना गुरुङ्ग र नर वलाम्पाकी मगरको अगुवाईमा मृगौला रोगबाट पीडित भीमबहादुर आलेमगरको उपचारको लागि रु. ६ लाख ६२ हजार ६ सय ४० सहयोग गरेका छन् । बेलायतबाट पठाइएको सो सहयोगलाई हालै काठमाडौं हास्तान्तरण गरिएको कठमाडौंको कोटेश्वर निवासी चन्द्र घलेले अनलाइन डबलीलाई बताए । मृगौला पीडित आलेमगरले सहयोग अभियानमा प्रमुख भूमिका निभाउने हुने हाल वेलायत निवासी घले, गुरुङ्ग र मगर तथा सहयोग गर्ने सबैलाई हार्दिक आभार तथा धन्यबाद ब्यक्त गरेको पनि बताए ।
मृगौला पीडित स्थायी घर संखुवासभा खाँदवारी नगरपालिका वडा नं १० चन्दनपुर निवासी हाल काठमाडौ महानगरपालिका वडा नं ३२ कोटेश्वरमा बसेर उपचार भइरहेको छ । सो सहयोग अभियानबाट निज मर्गौला पीडित भीम वहादुर आलेमगरको उपचार स्वरुप १३३ जना महानुभावहरुबाट रकम रु ६६२६४०। संकलन भएको र सो नगरपालिका वडा नं ८ यती आवास निवासी गीता गुरुङ्गमार्फत हस्तान्तरण गरिएको जनाइएको छ । यस प्रकारका अभियान समाजको लागि उदारणीय कार्य हो । सेवा नै धर्म हो । यसर्थ पुनित कार्यमा सहयोग पुर्याउनु हुने सबै सहयोगी सुभेच्छुकहरु धन्यवादको पात्र भएको गुरुङ्गले सहयोग हस्तान्तरण गर्दै भनिन् ।
