काठमाडौं । बितेको २४ घण्टामा काठमाडौं उपत्यकामा १ हजार ३९८ जनासहित थप ३ हजार ५२ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार विहीबार थप भएसँगै कुल संक्रमित संख्या १ लाख ८५ हजार ९७४ पुगेको छ।
स्वास्थ्य तथा जनसंख्या मन्त्रालयका अनुसार यससँगै काठमाडौं उपत्यकामध्ये कायस्तै बितेको २४ घण्टामा देशभर थप ३०५१ जनामा कोरोना भाइरस संक्रमण पुष्टि भएसँगै कुल संख्या १ लाख ८५ हजार ९७४ पुगेको छ।
आज पनि काठमाडौंका उपत्यकामा सबैभन्दा धेरै संक्रमित भेटिएका छन् । विहीबार थप ६०१ महिला र ७९७ जना पुरुषमा कोरोना संक्रमण पुष्टि भएको हो ।काठमाडौंमा हालसम्म संक्रमितको संख्या ६८ हजार ४४९ पुगेको छ भने निको हुनेको संख्या ५१ हजार ८५९ पुगेको मन्त्रालयले जानकारी दिएको छ ।
यस्तै भक्तपुरमा हालसम्म ६ हजार २३२ जनामा संक्रमण पुष्टि हुँदा निको हुनेको संख्या ४ हजार ९१५ रहेको छ । यस्तै ललितपुरमा कुल ९ हजार ६६३ संक्रमितमध्ये ७ हजार ३२२ जना निको भएका छन् ।
विहीबार थप ३ हजार ४३० जना कोरोनामुक्त भएका छन् । योसँगै कुल संक्रमितको संख्या १ लाख ४८ हजार ४०८ पुगेको छ । त्यसैगरी पछिल्लो २४ घण्टा देशभर थप १८ जनाको ज्यान गएको छ । योसँगै नेपालमा कोरोना संक्रमणबाट १ हजार ५२ पुगेको छ ।
मन्त्रालयका अनुसार २ जिल्ला कोरोनामुक्त भएका छन् । मनाङ र बाजुरामा सक्रिय संक्रमित छैनन् । विहीबार देशभर ३६ हजार ५१४ जना सक्रिय संक्रमित रहेका छन् ।
