![](https://onlinedabali.com/wp-content/uploads/2020/07/corona-upchar.jpg)
काठमाडौं । नेपालमा कोरोना भाइरसबाट संक्रमित हुनेको संख्या एक लाख नजिक पुगेको छ । स्वास्थ्य तथा जनसंख्या मन्त्रालयका अनुसार विहीबार अहिलेसम्मकै धेरै एकै दिन ४ हजार ३६४ जनामा कोरोना पोजेटिभ देखिएको थियो ।
मन्त्रालयका प्रवक्ताले डा. जागेश्वर गौतमले देशभर विहीबार संक्रमितको संख्या ९८ हजार ६१७ जना पुगेको जानकारी दिएका थिए । यो विहीबार दिउँसोसम्मको विवरण हो । शुक्रबार विहानसम्म आइपुग्दा देशभरीका विभिन्न प्रयोगशालामा गरिएको परीक्षणमा संक्रमितको संख्या थपिएर लाख नजिक पुगेको छ ।
विहीबार नमूना परीक्षण पनि यसअघि भन्दा धेरैको भएको थियो । देशभरका प्रयोगशालामा १८ हजार ४७३ नमुना परीक्षण गर्दा १५६१ महिला र २८०३ पुरुषमा संक्रमण पुष्टि भएको थियो ।
त्यसैगरी सक्रिय संक्रमितको संख्या २७ हजार नजिक पुगेको छ । विहीबार २६ हजार ६८४ सक्रिय संक्रमित रहेकोमा त्यसमा थप भएका छन् । उनीहरुमध्ये १४ हजार ९६९ होम र ११ हजार ७१७ संस्थागत आइसोलेसनमा छन् ।त्यस्तै २३५ जनाको आईसीयू र ४२ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ ।
त्यसैगरी नेपालमा कोरोना जितेर घर फर्किनेको संख्यामा ७२ हजार नजिक पुगेको छ । विहीबार थप २ हजार ६७५ जना डिस्चार्ज भएसँगै निको हुनेको संख्या ७१ हजार ३४३ पुगको थियो । शुक्रबार विहान त्यसमा थपिएका छन् ।
विहीबार काठमाडौं उपत्यकामा पनि सबैभन्दा धेरै संक्रमित थपिएका छन् । हजारदेखि पन्ध्र सयको हाराहारीमा थपिएका संक्रमित विहीबार एकै दिन २ हजार ५४० पुगे । जसमा काठमाडौंका २०८५ जना, ललितपुरका ३२० र भक्तपुरका १३५ जना छन् । योसँगै काठमाडौंका अस्पतालहरुमा कोरोना संक्रमितले भरिएका छन् ।
विहीबार मोरङका २४९ जना, सुनसरीका २१४, रुपन्देहीका १९९, सुर्खेतका १०६, मकवानपुरका १०५, कैलालीका ७५, धादिङका ७१, चितवनका ६९, बाँकेका ५७, झापा र दाङ ५५/५५ जना, सिराहाका ४८, उदपयुरका ३२, काभ्रेका २९, धनुषा र नवलपुरका २८/२८ जना, अर्घाखाँचीका २७, सप्तरीका २५ , नवलपरासी, पाल्पा र कञ्चनपुरका २१/२१ जना, कास्कीका १९ जना तथा रौतहट र गुल्मी १८/१८ जनामा संक्रमण पुष्टि भएको छ ।
त्यसैगरी बारा र सर्लाहीका १४/१४ जना, सिन्धुपाल्चोक, स्याङ्जा १३/१३ जना, इलाम र बाग्लुङका १२/१२ जना, पर्सा र गोरखाका ११/११ जना, तनहुँ, बर्दिया र अछामका १०/१० जना, महोत्तरी, कपिलवस्तु र डोटीका ७/७ जना, तोप्लेजुङ, कालीकोट र जुम्लाका ६/६ जना, रामेछाप र रुकुम पश्चिमका ५/५ जना, ओखलढुंगा, खोटाङ, भोजपुर, दैलेख र सल्यानका ४/४ जना, तेह्रथुम, धनकुटा, संखुवासभा, नुवाकोट, सिन्धुली, लमजुङ, डोल्पा र हुम्लाका ३/३ जना, पाँचथर र सोलुखुम्बुका २/२ जना तथा दोलखा, पर्वत, प्युठान, रोल्पा, डडेलधुरा, बझाङ र बैतडीका १/१ जनामा संक्रमण देखिएको मन्त्रालयले जनाएको छ।