काठमान्डौैँ । बिहिबार बिहानै कोरोना संक्रमित बाँकेमा निधन भएको छ । शिक्षण अस्पताल कोहलपुरमा २ जना कोरोना संक्रमितको निधन भएको हो ।
नेपालगन्ज उपमहानगरपालिका–४, का ५२ वर्षीय पुरुष र सुर्खेतकी ७५ वर्षीया महिलाको उपचारका क्रममा निधन भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिएको छन् ।
प्रमुख जिल्ला अधिकारी रामबहादुर कुरुम्बाङका अनुसार शिक्षण अस्पताल कोहलपुरमा कोरोना संक्रमणबाट निधन हुनेको संख्या १७ पुगेको छ ।
तिनीहरु मध्ये ९ जना बाके जिल्लाकै हुन भने बाकी ८ जना बाहिरी जिल्लाको रहेको छन् ।
यस्तै नेपालमा बुधबार थप १५५९ जना कोरोना संक्रमित थपिएका थिए । हालसम्म कोरोना संक्रमित हुनेको संख्या ७८ हजार नजिक पुगेको छ ।
स्वास्थ्य तथा जनसंख्या मन्त्रालयका अनुसार हिजो कोरोनाबाट ७ जनाको ज्यान गएको थिए । त्यसैगरी मन्त्रालयका अनुसार हाल सम्म संक्रमणबाट निको हुनेको संख्या ५६४२८ जना पुगेको छ।
हाल सक्रिय संक्रमितको संख्या २०८९१ छ। त्यसमध्ये संस्थागत आइसोलेसनमा १००८७ भने होम आइसोलेसजमा १०८०४ जना रहेका छन्।
त्यस्तैगरी क्वारेन्टिनमा ५४२८ जना छन्। साथै २०१ जनाको आईसीयूमा र हाल ३१ जनाको भेन्टिलेटरमा राखेर उपचार भइरहेको मन्त्रालयले जनाएको छ।
