काठमाडौँ । प्रधानमन्त्री केपी शर्मा ओलीले महाकाली सम्झौतामा त्यतिबेला आफूले गलत नदेखेको र अहिले एमसीसी सम्झौताको विरोध गर्नेहरु नपढेकाहरु भएको बताएका छन् । महाकाली सम्झौता गर्दा गरौ भन्दा गरौं भन्ने तर पछि केही साथीहरु बुरुक्क उफ्रिएको बताए ।
विहीबार राष्ट्रियसभामा बोल्दै प्रधानमन्त्री ओलीले सम्झौता नपढेकाहरुले एमसीसीको विरोध गरेको भन्दै पढ्न सुझाव समेत दिए । उनले नेपालमा अनुदान, सहयोग आयो र विकास हुन लागेकोमा ठिक नलागेकोहरुले विरोध गरेको बताए । उनले एमसीसी सम्झौता राम्रोसँग पढ्न आग्रह समेत गउरे ।
प्रधानमन्त्री ओलीले सांसद र नेताहरुले बोल्दा इतिहासमा रेकर्ड हुने गरी बोल्न आग्रह समेत गरे । उनले आफूले २०५३ सालमै लिम्पियाधुरा, लिपुलेक कालापानीब नेपालको भूमि हो भनेको समेत बताए । उनले महाकाली सन्धीको बेला पनि आफूले ती भूमि नेपालकै भएको बताएको दाबी समेत गरे ।
प्रधानमन्त्री ओलीले पार्टीमा विचार राख्न सांसदहरुलाई छुट दिने बताए । उनले एमसीसी पास गर्न पार्टीले ह्वीप नलगाउने संकेत गरे । उनले आफूले नेतृत्व गर्दासम्म पार्टीमा विचार राख्न दिन समेत बताए ।
